لاتسأليني
لا تسأليني ليه أنا اخترت قلبك
كل الحكي ينمو من القلب للقلب
يامصعب التفكير لو قلت أحبك
يكفيك قلبي مايو قف عن الحب
ولا تسأليني عمر حبك في قلبي
وكم لي أنا ميت بقلبك وعينك
يكفيك بوح العيون وثورة جروحي
ويكفيك جملة حواسي تسألك وينك
ولا تسأليني ليه توحشني كثير
دام الغلى فالقلب ماعاد يصبر
وأكبر دليل يبين اللي معي يصير
حتى وأنا وياك توحشني كثير
ولا تسأليني قدر حبك في قلبي
العالم الله مايساويه مخلوق
ملكتي أشواقي وخطوات دربي
وسرقتي أفكاري ولا قلت مسروق
ياحبي المجنون ياكل عمري
هاك أفتحي قلبي بطوله وعرضه
تلقي على الأبواب منثور عطري
وتلقين حبك أول وأخر أرضه
ولا تسأليني اللي يحبك عن الحب
بعيش أنا أحبك وبموت أحبك
أكثر من أي إنسان وكثر من الحب
ولو مات كل الحب ببقا أحبك
__________________
على حد المسافة ينتهي حد النظر والعين
وعلى حد النظر والشوف يتلون دفا الاحضان
خرافه من يقول أن المشاعر أصلها من طين
وأنا اتصور أندماج انسان .........في انسان
الرئيسية 
أحدث الصور 
الجمعة مارس 14, 2008 4:34 am
