السلام عليكم ورحمة الله وبركاته
اخباركن بنات وشلونكن
هذه بعض المواقف اللي تضايق البنات
* مثلاً *
إذا ضحكتِ قالوا عيب قصري صوتك
وإذا بكيتِ قالوا وش فيك حساسة
إذا لعبتي وجتك خفة الدم قالوا عيب وما يصلح تراك كبرتي
وإذا ما لعبتي وستهبلتي قالوا وش فيك ثقيلة
حتى إذا جلستي مع الحريم الكبار في السن أحياناً قالوا عيب ما تستحين
وإذا جلستي لوحدك قالوا وش فيك أنتِ منعزلة لازم تدخلين مع الناس
وإذا دخلتي مع الناس وصرتي تسولفين قالوا كثرة التعارف ما تصلح والناس ينخاف منهم ها لأيام
إذا ساعدتي حرمه وصرتي سنعه عنده قالوا تبينه تخطبك
وإذا ما ساعدتيه وجلستي قالوا خليك سنعه وقومي من نفسك
إذا تجهزتي مبكرة لطلعه قالوا تونا وراك مستعجلة
وإذا تأخرتي قالوا وراك أنتِ دائماً متأخرة
إذا درستي ومشيتي بدراستك قالوا ترى ما فيه وضايف
وإذا ما درستي قالوا الوحدة لازم تدرس علشان إذا احتاجت لشهاده لقته
إذا قمتي مبكرة قالوا جدتنا وش تسوين قايمه مبكرة ؟
وإذا قمتِ متأخرة قالوا والله إنك نوامه
وإذا صرتِ واثقة من نفسك قالوا يا الله مغرورة "ما يفرقون بين الثنتين "
وإذا صرتي محطمه قالوا أكيد عنده مشاكل
إذا عليتي صوتك وكنتِ تبينهم يسمعون السالفه ما عطوك وجه
وإذا صرتي تسولفين للي بجنبك بصوت واطي تلاقينهم مسكتين يسمعونك
إذا كنتِ تحبين القهوة وتشربينه قالوا تراه مضره
وإذا ما صرتِ تشربينه قالوا لازم تتعودين عليه......... إلخ .
يووووووووه والله أحترنا فيكم لكن أفضل شي
"سوي اللي تبغين ولا يهمك إلا ربك "
المجال مفتوح لإضافة التصرفات اللي تضايقك
الرئيسية 
أحدث الصور 
الخميس مارس 13, 2008 12:12 pm
